ئیمام ناصر محمد يەمانی
23 - 10 - 1428 ک
04 - 11- 2007 مـ
09:29 ئێوارە
( بحسب التقويم الرسمي لأمّ القرى )
ــــــــــــــــــــ

پرسیاری مه‌هدی چاوه‌ڕوانكراو بۆ زانایانی ئومه‌ت وشوێنكه‌وتوانیان..


بسم الله الرحمن الرحيم ، وسلامٌ على المُرسلين والتابعين لهم بإحسان إلى يوم الدين والحمدُ لله ربّ العالمين، وبعد..

ئه‌ی گه‌لی زانایانی ئایینی ئیسلامی پاك وه‌هه‌موو گه‌لی ئیسلام، پرسیارێكم هه‌یه‌ بۆتان كه‌وا وه‌ڵامه‌كه‌ی هه‌موو موسڵمانێك له‌ نێرو مێ ی ده‌یزانێت ئه‌ویش: ئایا ئێوه‌ برواتان به‌ قورئانی گه‌وره‌ هه‌یه‌ كه ‌قسه‌ی په‌روه‌ردگاری رب العالمینه‌ وه‌ ڕاسترین و دروسترین قسه‌یه‌؟ بێ گومان و به‌دڵنیایی یه‌وه‌ دواتر وه‌ڵامتان ئه‌وه‌ ده‌بێت وه‌كو ئه‌وه‌ی هه‌مووتان به‌یه‌ك زمان بیڵێن: چۆن بڕوامان به‌قورئانی گه‌وره‌ی قسه‌ی رب العالمین نی یه‌، وه‌هه‌ر كه‌سێك بروای پێ نه‌بێت ئه‌وا له‌بێ باوه‌ڕانه‌".
جا دواتر پرسیارێكی ترتان ئاراسته‌ ده‌كه‌م وده‌ڵێم: ئینجا ئایا اللە وه‌عدی پێداون به‌وه‌ی کەوا ده‌یپارێزێت له‌ده‌سكاری تاکو رۆژی دوایی؟
وه‌ڵامتان به‌بێ شك ئه‌وه‌یه‌ كه‌ دواتر ده‌ڵێن : "به‌و په‌ڕی دڵنیایی یه‌وه‌ به‌ڵێ پارێزراوه" .‌
وه‌كو اللە ی گه‌وره‌ پشتڕاستی ده‌كاته‌وه‌ له‌وه‌ی ده‌فه‌رموێت: {إنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ}[الحجر:9]
واته‌/ به‌ڕاستی هه‌ر ئێمه قورئانمان دابه‌زاندووه‌و بێگومان هه‌ر ئێمه‌ش پارێزگاری ده‌که‌ین.

پاشان پێتان ده‌ڵێم: كه‌واته‌ ئه‌ی گه‌لی زانایانی ئومه‌ت و هه‌موو موسڵمانان، بە اللە سوێندتان ده‌ده‌م گه‌ر بهاتایه‌ اللە قورئانی نه‌پاراستبوایه‌ له‌ده‌ستكاری و ته‌حریف و دواتر به‌و هۆیه‌وه‌ ڕێگای ڕاستتان وون كردبوایه ئایا ئه‌وكات ئێوه‌ به‌هانه‌و حوجه‌تان له‌سه‌ر اللە تا ڕۆژی قیامه‌ت ئه‌وه‌ نه‌بوو كه‌ده‌تان ووت: "قورئانی گه‌وره‌ ده‌ستكاری كرا وه‌فه‌رمووده‌و ڕیوایاتیش زۆر بوون وه‌نه‌مان ده‌زانی كامه‌یان ڕاستن و كامه‌یان به‌تاڵ وهه‌ڵبه‌ستراون بۆیه‌ ڕێگای ڕاستمان ون كرد".‌‌
جا ئه‌گه‌ر ئه‌وه‌تان به‌ڕاست دانا كه ‌به‌راستی ‌قورئانی گه‌وره‌ ته‌حریف و ده‌ستكاری كراوه ئه‌وه‌ لێره‌دا اللە لاری نی یه‌ له‌وه‌ی به‌هانه‌ بهێننه‌وه‌ وه ‌حوجه‌تان له‌سه‌ری ئه‌وه‌بێت له‌به‌ر ئه‌وه‌ی كه‌وا قورئانی نه‌پاراستووه‌ له‌ده‌ستكاری و ته‌حریف بۆتان به‌م هۆیه‌وه‌ ڕێگای ڕاستان لێ وون بوو وه ‌دواتر ده‌تانوت و سوێندتان به اللە ده‌خوارد و جه‌ختتان له‌سه‌ر ده‌کرده‌وه‌ به‌وه‌ی کە گه‌ر قورئان پارێزراو بوایه‌ له‌ده‌ستكاری ئه‌وا هه‌رگیز ده‌ستان به‌وه‌ نه‌ده‌گرت كه‌وا مخالف ودژو پێچه‌وانه‌ی قورئانه، ئینجا دواتر اللە به‌م قسه‌یه‌ی ئێوه‌ی زانی كه‌وا ده‌ڵێن وه ‌تاوه‌كو به‌هانه ‌و حوجه‌تان نه‌بێت له‌سه‌ر په‌روه‌ردگاره‌كه‌تان ئه‌وا قورئانی گه‌وره‌ی بۆ پاراستن له‌ده‌ستكاری و ته‌حریف تاكو ڕۆژی دوایی، وه‌ په‌یمانی لێ وه‌رگرتن كه‌وا دواتر لێتان ده‌پرسێته‌وه‌ ده‌رباره‌ی ئەگه‌ر هاتوو ده‌ستان نه‌گرت پێوه‌ی وه‌ ڕاتان نه‌گه‌یاند پێوه‌ی وە اللە ی گه‌وره‌ش فه‌رموویه‌تی:{وَإِنَّهُ لَذِكْرٌ لَّكَ وَلِقَوْمِكَ ۖ وَسَوْفَ تُسْأَلُونَ ﴿٤٤﴾} صدق الله العظيم [الزخرف]
واتە/ به‌ڕاستی ئه‌م قورئانه یادخه‌ره‌وه‌یه بۆ خۆت و بۆ قه‌ومه‌که‌ت له ئاینده‌شدا پرسیارتان لێده‌کرێت ده‌رباره‌ی.

كه‌واته‌ سوێندتان ده‌ده‌م بە اللە ئه‌ی گه‌لی زانایانی ئومه‌ت كه‌وا له‌م ئایه‌ته‌ وورد ببنه‌وه به‌باشی ئەگه‌ر ئێوه‌ له‌وانه‌ن خاوه‌ن ژیری وهۆشمه‌ندن، وه‌به‌ڕاستی هه‌ر خاوه‌ن بیرو هۆشه‌کانیش له‌ڕاستی تێده‌گه‌ن و تێده‌فکرن اللە ی گه‌وره‌ ده‌فه‌رموێت:{وَيَقُولُونَ طَاعَةٌ فَإِذَا بَرَزُوا مِنْ عِندِكَ بَيَّتَ طَائِفَةٌ مِّنْهُمْ غَيْرَ الَّذِي تَقُولُ ۖ وَاللَّـهُ يَكْتُبُ مَا يُبَيِّتُونَ فَأَعْرِضْ عَنْهُمْ وَتَوَكَّلْ عَلَى اللَّـهِ ۚ وَكَفَىٰ بِاللَّـهِ وَكِيلًا ﴿٨١﴾ أَفَلَا يَتَدَبَّرُونَ الْقُرْآنَ ۚ وَلَوْ كَانَ مِنْ عِندِ غَيْرِ اللَّـهِ لَوَجَدُوا فِيهِ اخْتِلَافًا كَثِيرًا ﴿٨٢﴾} صدق الله العظيم [النّساء]
واته‌/ (ئەوانەی لای تۆن) ده‌ڵێن: ملکه‌چ و فه‌رمانبه‌ردارین به‌ڵام کاتێک لای تۆ هه‌ستان و دوورکه‌وتنه‌وه‌ ده‌سته‌یه‌کیان قسه‌کانی تۆ زۆر بەنھێنی و بەپیلانێکی تۆکمەوە ده‌گۆڕن و ئه‌وه ناڵێن که تۆ وتوته‌ جا ئه‌وه‌ی هه‌ڵی ده‌به‌ستن و (پیلانی بۆ ده‌کێشن) اللە تۆماری ده‌کات که‌واته گوێ به‌وانه مه‌ده و پشت به اللە ببه‌سته ته‌نها اللە ت به‌سه که یارو یاوه‌رت بێت (٨١) ئه‌وه بۆ ئه‌وانه سه‌رنجی قورئان ناده‌ن و لێکی ناده‌نه‌وه‌و لێی وردنابنه‌وه‌ خۆ ئه‌گه‌ر (فەرموودەکە) له لایه‌ن غەیری اللە وە بوایه ئەوا بێگومان جیاوازی و دژایه‌تیه‌کی زۆریان (لەگەڵ قورئاندا) تێدا ده‌دۆزیه‌وه‌ (٨٢).

جا بە اللە سوێندتان ده‌ده‌م ئه‌ی گه‌لی زانایانی ئومه‌ت ئایا ئه‌م ئایه‌تانه‌ ڕوون و ڕاشكاوو محكم نین كه‌وا اللە هه‌واڵی پێداون‌ كۆمه‌ڵ و ده‌سته‌و تایفه‌یه‌ك هه‌بوون كاتێك له‌لای محمد پێغه‌مبه‌ری اللە ئاماده‌ ده‌بوون له‌به‌ر‌ده‌می ئه‌وو له‌به‌رده‌می هاوه‌ڵانی ڕاستی به‌ئاشكرا و ڕووبه‌روو ده‌یان ووت: ملكه‌چ وفه‌رمانبه‌ردارین بۆ اللە و پێغه‌مبه‌ره‌كه‌ی، ئه‌مه‌ش‌ بۆ ئه‌وه‌ی تاوه‌كو متمانه‌ی موسڵمانه‌كان به‌ده‌ست بهێنن، به‌هه‌مان شێوه محمد پێغه‌مبه‌ری اللە صلّى الله عليه وآله وسلّم - به‌قسه‌كانیان سه‌رسام ده‌بوو، جا دواتر اللە هه‌واڵتان پێده‌دات كه ‌ئه‌وانه‌ به‌ده‌میان شتێک ده‌ڵێن که له دڵ و ده‌روونیاندا نییه له‌به‌رده‌م محمد پێغه‌مبه‌ری اللە صلّى الله عليه وآله وسلّم، ‌وە اللە هه‌واڵتان پێ ده‌دات كه‌وا ئه‌وان كاتێك ده‌رده‌چوون له‌لای پێغه‌مبه‌ری اللە دواتر زۆر به‌په‌نهانی و به‌پيلانێكی تۆكمه‌وه‌ فه‌رمووده‌كانی پێغه‌مبه‌ریان ده‌ستكاری ده‌كردو قسه‌ی ئه‌ویان وا ئاوه‌ژوو ده‌كرده‌وه‌ كه‌وا محمد پێغه‌مبه‌ری اللە صلی الله عليه وآله وسلّم نه‌یوتبوو، به‌مانای ئه‌وان پيلانیان ده‌گێرا به‌قسانێك دژی قسه‌ وفه‌رمووده‌كانی اللە و پێغه‌مبه‌ره‌كه‌ی، به‌ڵام پیلانه‌كه‌یان دواده‌خست تا كاتێكی به‌سه‌رداده‌چوو وه‌به‌تایبه‌تی له‌دوای وه‌فاتی پێغه‌مبه‌ری اللە صلّى الله عليه وآله وسلّم، بۆیه‌ ده‌فه‌رموێت {يُبَيِّتُونَ} پاشان هه‌ڵده‌ستان به‌بڵاوكردنه‌وه‌ی ئه‌م فه‌رمووده‌ هه‌ڵبه‌ستراوانه‌ له‌دوای ڕۆشتنی محمد پێغه‌مبه‌ری اللە - صلّى الله عليه وآله وسلّم- له‌نێو ڕیزی موسڵمانان تا نەوە له‌دوای نەوە بۆ یه‌كتری بگێڕنه‌وه ئه‌وه‌ی بۆیان گێڕدراوه‌ته‌وه‌‌.

كه‌واته‌ ئه‌ی گه‌لی زانایانی ئومه‌ت، چاره‌سه‌ر چی یه‌ بۆ ده‌ربازبوون له‌م پيلانه‌ پیس وگڵاوه‌؟ مژده‌تان پێده‌ده‌م كه‌وا من چاره‌سه‌ری ئه‌وه‌ ده‌زانم وه ‌اللە ش له‌سه‌ر ئه‌وه‌ی ده‌یڵێم شایه‌دو وه‌كیله‌، وه‌سوێند بە اللە ی به‌رزو گه‌وره‌ كه‌وا ئه‌مانه‌م له‌سه‌ر‌ی خۆم‌ و ئیجتهادی خۆم نه‌هێناوه‌ به‌گومان لەکاتێکدا گومان هیچ سودێکی نیە لەزانینی حەق و ڕاستیدا، به‌ڵكو اللە فێری كردوون له‌هه‌مان ئه‌و ئایه‌تانه‌دا. اللە ی گه‌وره‌ش فه‌رموویه‌تی: {أَفَلَا يَتَدَبَّرُونَ الْقُرْآنَ ۚ وَلَوْ كَانَ مِنْ عِندِ غَيْرِ اللَّـهِ لَوَجَدُوا فِيهِ اخْتِلَافًا كَثِيرًا ﴿٨٢﴾} صدق الله العظيم
واتە/ ئه‌وه بۆ ئه‌وانه سه‌رنجی قورئان ناده‌ن و لێکی ناده‌نه‌وه‌و لێی وردنابنه‌وه‌ خۆ ئه‌گه‌ر (فەرموودەکە) له لایه‌ن غەیری اللە وە بوایه ئەوا بێگومان جیاوازی و دژایه‌تیه‌کی زۆریان (لەگەڵ قورئاندا) تێدا ده‌دۆزیه‌وه‌

له‌وه‌یه‌ زانایه‌ك له‌زانا موسڵمانه‌‌ زۆرزانه‌كان بمپچڕێنێت له‌وانه‌ی کەوا قسه‌یه‌ك ده‌كه‌ن ده‌رباره‌ی اللە له‌سه‌ر گومان لەکاتێکدا گومان ‌هیچ سودێکی نیە لە زانینی حەق و ڕاستیدا جا پێم بڵێت: "له‌سه‌رخۆ له‌سه‌ر خۆ ئه‌ی ئه‌وه‌ی وا ‌له‌خۆت تێده‌گه‌ی كه‌وا مه‌هدی چاوه‌ڕوانكراوی ئه‌وه‌ تۆ هه‌ڵه‌ت كرد له‌ته‌ئویل و لێکدانەوەکەت بۆ ئه‌م ئایه‌ته‌ی كه‌وا ده‌فه‌رموێت: {أَفَلَا يَتَدَبَّرُونَ الْقُرْآنَ ۚ وَلَوْ كَانَ مِنْ عِندِ غَيْرِ اللَّـهِ لَوَجَدُوا فِيهِ اخْتِلَافًا كَثِيرًا ﴿٨٢﴾} صدق الله العظيم
واته‌/ ئه‌وه بۆ ئه‌وانه سه‌رنجی قورئان ناده‌ن و لێکی ناده‌نه‌وه‌و لێی وردنابنه‌وه‌ خۆ ئه‌گه‌ر (فەرموودەکە) له لایه‌ن غەیری اللە وە بوایه ئەوا بێگومان جیاوازی و دژایه‌تیه‌کی زۆریان (لەگەڵ قورئاندا) تێدا ده‌دۆزیه‌وه‌
ئه‌وه‌ مه‌به‌ستی له‌ بێ باوه‌ڕو كافرانه‌ به‌م قورئانه‌ كه‌وا با بیر بكه‌نه‌وه‌ له‌قورئان وه‌ ئەگه‌ر ئه‌م قورئانه‌ له‌كه‌سێكی تر جگه‌ لە اللە هاتبوا ئه‌وا تێیان ده‌دی جیاوازیه‌كی زۆر" . جا دواتر به‌هه‌ق وه‌ڵامی ده‌ده‌مه‌وه‌ وده‌ڵێم: هه‌میشه سوورم له‌سه‌ر ئه‌وه‌ی هیچ شتێک نه‌ڵێم به‌ناوی اللە وە جگه له‌وه‌ی حه‌ق و ڕاست نه‌بێت له‌هه‌مان قسه‌ی اللە به‌وه‌ی كه‌ اللە له‌م ئایه‌تانه‌ له‌گه‌ڵ بێباوه‌ران به‌قورئان نادوێ به‌ڵكو له‌گه‌ڵ موسڵمانه‌ باوه‌ڕداره‌كان به‌م قورئانه‌ ده‌دوێ‌، وه‌سوپاس بۆ اللە كه‌ بابه‌ته‌كه‌ی له‌گه‌ڵ یه‌ك ئایه‌تدا لكاندووه‌ بۆ ڕۆشنكردنه‌وه‌و ڕوونكردنه‌وه‌ی تاكو كه‌س پێی له‌خشته‌ نه‌چێت جگه‌ له‌ له‌ناوچووێكی سته‌مكار له‌خۆی وه‌ده‌یه‌وێت کەوا موجاده‌له‌و ده‌مبازی بكات به به‌ڵگه‌ی پڕوپووچ، بۆ ئه‌وه‌ی حه‌ق و ڕاستی به‌تاڵ بکاته‌وه‌و بیترازێنێت، وه‌دواتر بانگی هه‌موو موسڵمانانێكی عه‌ره‌ب ده‌كه‌م ئه‌وانه‌ی زمانێكی عه‌ره‌بی ئاشكرایان هه‌یه‌ له‌كاتێكدا ئه‌وانه‌ له‌زانایانیش نین ئینجا پێیان ده‌ڵێم: بە اللە سوێندتان ده‌ده‌م حوكم و بڕیار بده‌ن له‌نێوانی من و ئه‌و زانایانه‌ی ئومه‌ت كه‌ بانگه‌وازی من ڕه‌ت ده‌كه‌نه‌وه بۆ ئه‌وه‌ی بیان گه‌رێنمه‌وه‌ بۆ ئایینی ئیسلامی پاك. ‌جا دواتر له‌گه‌ڵم ده‌دوێن وده‌ڵێن: "ئه‌ی ناصر یه‌مانی به‌ڵام ئێمه‌ زانا نین له‌زانایانی ئایینی ئیسلام هه‌تاوه‌كو حوكم بده‌ین له‌نێوان تۆو زانایانی ئومه‌ت . جا لەپاشان وه‌ڵامیان ده‌ده‌مه‌وه‌و ده‌ڵێم: ئێمه‌ له‌م ئایه‌ته‌دا پێویستمان به‌ زانایه‌كی فقهـ نی یه‌ به‌ڵكو پێویستمان به‌ مرۆڤێكی عه‌ره‌بیه‌ كه‌زمانێكی عه‌ره‌بی ئاشكرای هه‌بێت كاتێك كه‌سێك به‌زمانی عه‌ره‌بی قسه‌ی له‌گه‌ڵدا بكات لێی تێبگات، جادواتر ئه‌م عه‌ره‌بیه‌ كاتێك وتی من عه‌ره‌بیم و له‌قسه‌ش تێده‌گه‌م ئه‌وه‌ی به‌زمانی عه‌ره‌بی له‌گه‌ڵم قسه‌بكات ئایه‌ ئه‌م ئایه‌ته‌ چی یه‌؟ جا دواتر پێ ی ده‌ڵێم ئه‌وه‌یه‌ كه‌ اللە ی گه‌وره‌ فه‌رموویه‌تی:
{وَيَقُولُونَ طَاعَةٌ فَإِذَا بَرَزُوا مِنْ عِندِكَ بَيَّتَ طَائِفَةٌ مِّنْهُمْ غَيْرَ الَّذِي تَقُولُ ۖ وَاللَّـهُ يَكْتُبُ مَا يُبَيِّتُونَ ۖ فَأَعْرِضْ عَنْهُمْ وَتَوَكَّلْ عَلَى اللَّـهِ ۚ وَكَفَىٰ بِاللَّـهِ وَكِيلًا ﴿٨١﴾ أَفَلَا يَتَدَبَّرُونَ الْقُرْآنَ ۚ وَلَوْ كَانَ مِنْ عِندِ غَيْرِ اللَّـهِ لَوَجَدُوا فِيهِ اخْتِلَافًا كَثِيرًا ﴿٨٢﴾} صدق الله العظيم [النّساء]
واته‌/ (ئەوانەی لای تۆن) ده‌ڵێن: ملکه‌چ و فه‌رمانبه‌ردارین به‌ڵام کاتێک لای تۆ هه‌ستان و دوورکه‌وتنه‌وه‌ ده‌سته‌یه‌کیان قسه‌کانی تۆ زۆر بەنھێنی و بەپیلانێکی تۆکمەوە ده‌گۆڕن و ئه‌وه ناڵێن که تۆ وتوته‌ جا ئه‌وه‌ی هه‌ڵی ده‌به‌ستن و (پیلانی بۆ ده‌کێشن) اللە تۆماری ده‌کات که‌واته گوێ به‌وانه مه‌ده و پشت به اللە ببه‌سته ته‌نها اللە ت به‌سه که یارو یاوه‌رت بێت.(٨١) ئه‌وه بۆ ئه‌وانه سه‌رنجی قورئان ناده‌ن و لێکی ناده‌نه‌وه‌و لێی وردنابنه‌وه‌ خۆ ئه‌گه‌ر (فەرموودەکە) له لایه‌ن غەیری اللە وە بوایه ئەوا بێگومان جیاوازی و دژایه‌تیه‌کی زۆریان (لەگەڵ قورئاندا) تێدا ده‌دۆزیه‌وه‌ (٨٢).

وه ‌ئه‌مه‌ش وه‌ڵامی هه‌موو كه‌سێك كه ‌زمانێكی عه‌ره‌بی ئاشكرای هه‌یه‌ و ده‌ڵێت: "براكانم به‌دڵنیایی یه‌وه‌ ئه‌م بابه‌ته‌ وازعه‌و ئاشكرایه‌ ئه‌وه‌ اللە هه‌واڵمان پێده‌دات وپێمان ده‌ڵێت به‌وه‌ی كاتی خۆی دوو دەستە له‌ کۆڕو مه‌جلیسی محمد پێغه‌مبه‌ری اللە -صلّى الله عليه وآله وسلّم- ئاماده‌ده‌بوون یه‌كێكیان داوای زانستیان ده‌كردو باوه‌ڕداربوون وه‌ ده‌سته‌كه‌ی تریان به‌ڕواڵه‌ت باوه‌ڕداربوون به‌ڵام به‌كوفرو بێ باوه‌ڕیه‌وه‌ ده‌رده‌چوون وه‌كو چۆن به‌م شێوه‌یه‌‌ داخل ده‌بوون، پاشان ده‌ستیان ده‌كرد به‌گۆڕینی فه‌رمووده‌كان وه‌قسه‌یه‌كیان به‌ناوی محمد پێغه‌مبه‌ری اللە وە ده‌كرد كه ‌نه‌یوتبوو صلّى الله عليه وآله وسلّم، وه‌پاشان ‌ڕاشكاوانه ده‌بینین له‌وشه‌كانی ئایه‌ته‌كان‌ به‌وه‌ی اللە فه‌رمانی به‌پێغه‌مبه‌ره‌كه‌ی كردووه‌ ئه‌وان ده‌رنه‌كات له‌مه‌جلیسه‌كه‌ی وه‌ئه‌مه‌ ئاشكرایه‌ له‌ ووشه‌كانی ‌ئایه‌ته‌كه‌دا كه‌ده‌فه‌رموێت: {فَأَعْرِضْ عَنْهُمْ وَتَوَكَّلْ عَلَى اللَّـهِ ۚ وَكَفَىٰ بِاللَّـهِ وَكِيلًا}
واته‌/ که‌واته گوێ به‌وانه مه‌ده و پشت به اللە ببه‌سته ته‌نها اللە ت به‌سه که یارو یاوه‌رت بێت.، به‌و مانایه‌ی ئه‌وان به‌رده‌وام بوون له‌ هاورێیه‌تیکردنی پێغه‌مبه‌ری اللە و هاوه‌ڵانی و له‌گه‌ڵی دابوون وه ‌به‌رده‌وام له‌مه‌جلیسه‌كانیدا ئاماده‌ ده‌بوون هه‌ر كاتێك بیان ویستایه‌، وه‌ هه‌رگیز محمد پێغه‌مبه‌ری اللە - صلّى الله عليه وآله وسلّم- هه‌ڵنه‌ستاوه‌ ده‌ریان بكات، حیكمه‌تیش له‌ده‌رنه‌كردنیان ئه‌وه‌بوو تا دواتر ڕوون ببێته‌وه‌ ئه‌وه‌ كێ یه‌ به‌ڕاستی دوای قورئان ده‌كه‌وێت و قسه‌ی اللە به‌ڕاست داده‌نێت وه ‌ئه‌وه‌ی قورئان پشت گوێ ده‌خات و به‌دوای قسه‌و فه‌رمووده‌یه‌ك ده‌كه‌وێت كه‌ دژو مخالف وپێچه‌وانه‌ی قسه‌كانی اللە یە، وه‌ده‌بینین به‌وه‌ی اللە به‌باوه‌ڕدارانی ڕاگه‌یاندووه‌ به‌م قورئانه‌ كه‌پێویسته‌ له‌سه‌ریان بۆ قورئان بگه‌ڕێنه‌وه‌ له‌وه‌ی كه ‌له‌سه‌ری ناكۆك و جیاوازن له‌م فه‌رمودانه‌ی كه‌ به‌ناوی محمد پێغه‌مبه‌ری اللە صلّى الله عليه وآله وسلّم- وه‌ كراوه‌ ، وه ‌ئه‌مه‌ش گه‌ر هاتوو ئه‌م فه‌رموودانه‌ له‌كه‌سێك بوو جگه‌ له‌ اللە و پێغه‌مبه‌ره‌كه‌ی ئه‌وا دواتر ئه‌وانه‌ی له‌ ووته‌كانی ‌قورئان وورد ده‌بنه‌وه‌ ده‌بینن له‌نێوان ئه‌م فه‌رموده‌ هه‌ڵبه‌ستراوه‌و له‌نێوان قورئاندا جیاوازیه‌كی زۆر هه‌یه". كۆتایی هات حوكمی كه‌سێك‌ كه‌ زمانێكی عه‌ره‌بی ئاشكرای هه‌یه‌.

وه‌ ئه‌ی گه‌لی زانایان هه‌مووتان من پرسیارێكی ترتان ئاراسته‌ ده‌كه‌م: له‌به‌رچی دواتر اللە سزای هه‌ر هه‌موو شوێنێك به‌خه‌ڵكه‌كانیه‌وه‌ ده‌دات له‌جیهاندا به‌و شوێنانه‌ی كه ‌موسڵمانانیشی تێدایه‌ به‌سزایه‌كی پر له‌ئێش و ئازار وه‌ئه‌م سزایه‌ ده‌بێته‌ نیشانه‌یه‌ك بۆ به‌ڕاست دانه‌ری مه‌هدی چاوه‌ڕوانكراو به‌ر له‌هاتنی ڕۆژی قیامه‌ت؟ اللە ی گه‌وره‌ش فه‌رموویه‌تی: {وَإِن مِّن قَرْيَةٍ إِلَّا نَحْنُ مُهْلِكُوهَا قَبْلَ يَوْمِ الْقِيَامَةِ أَوْ مُعَذِّبُوهَا عَذَابًا شَدِيدًا ۚ كَانَ ذَٰلِكَ فِي الْكِتَابِ مَسْطُورًا ﴿٥٨﴾وَمَا مَنَعَنَا أَن نُّرْسِلَ بِالْآيَاتِ إِلَّا أَن كَذَّبَ بِهَا الْأَوَّلُونَ ۚ وَآتَيْنَا ثَمُودَ النّاقَةَ مُبْصِرَةً فَظَلَمُوا بِهَاۚ وَمَا نُرْسِلُ بِالْآيَاتِ إِلَّا تَخْوِيفًا ﴿٥٩﴾} صدق الله العظيم [الإسراء]
واتە/ هەرچی شارو شارۆچکه‌و ئاوەدانی ھەیە ئێمه بڕیارمان داوە پێش به‌رپابوونی ڕۆژی قیامه‌ت له ناوی به‌رین یان سزایه‌کی سه‌ختی بده‌ین ئەمە له دێڕە نوسراوەکانی کتێبەکەی (اللە دا) تۆمار کراوە (٥٨) هیچ شتێك نه‌بووه‌ به‌هۆی ئه‌وه‌ی که ئێمه موعجیزه به‌رپا بکه‌ین و نیشانی بده‌ین له‌وه‌ی که ئه‌وان داوایان کردووه‌ ته‌نها ئه‌وه نه‌بێت که (جۆره‌ها موعجیزه‌مان نیشانی پێشینه‌کان دا) به‌ڵام ئه‌وان هه‌ر بڕوایان پێ نه‌کرد ئێمه‌ش له ناومان بردن حوشتره تایبه‌تیه‌که‌شمان به ئاشکراو ڕوون به قه‌ومی ثمود به‌خشی که‌چی سته‌میان لێکرد بۆیه‌ به‌ڕاستی ئێمه (له‌مه‌ودوا) ته‌نها بۆ ترس و داچڵه‌کاندن نه‌بێت هیچ جۆره موعجیزه‌یه‌ك نانێرین (٥٩).

له‌وه‌یه‌ زانایه‌ك له‌زانا موسڵمانه‌ ‌زۆرزانه‌كان بمپچرێنێت و بڵێت: ئه‌مه‌ مه‌به‌ستی له‌و ناوچه‌و شوێنانه‌ بوو كه‌ هێشتا پێغه‌مبه‌ری اللە ی بۆ نه‌هاتبوو-صلّى الله عليه وآله وسلّم- وه‌كو ئه‌و شوێنه‌ی گه‌لی نوح كه‌وا اللە غه‌رق (نوقم)ی كردن، وه‌به‌هه‌مان شێوه‌ ئاوه‌دانی یه‌كه‌ی گه‌لی عاد كه‌وا اللە بە ڕەشەبایه‌كی ته‌فروتوناكه‌ر له‌ناوی بردن، وه‌به‌هه‌مان شێوه‌ ئه‌و ناوچه‌یه‌ی گه‌لی سه‌مود كه‌وا اللە به‌بوومه‌له‌رزه‌ له‌ناوی بردن، وه‌به‌هه‌مان شێوه‌ ئاوه‌دانیه‌كه‌ی گه‌لی لوط و ئیبراهیم، وه‌به‌هه‌مان شێوه‌ گه‌لی شوعه‌یب، وه‌به‌هه‌مان شێوه داب ونه‌ریتی ئالی فیرعه‌ون، ئه‌مه‌ مه‌به‌ستی ئه‌م ئاوه‌دانی و شوێنانه‌ی پێشوتر بوون كه‌وا پێغه‌مبه‌رانیان به‌درۆ خسته‌وه‌‌ ،جا دواتر وه‌ڵامیان ده‌ده‌ینه‌وه‌: كه‌تۆ به‌م ته‌ئویل كردنه‌ت تووڕەیی‌ اللە و ڕازی نه‌بوونی له‌سه‌رت بۆ خۆت ده‌سته‌به‌ر ده‌كه‌ی چونكه‌ اللە له‌م ئایه‌ته‌دا‌ مه‌به‌ستی له‌ئاوه‌دانیه‌كانی پێشوتر نی یه‌ به‌ڵكو بانگتان ده‌كات كه‌وا به‌سه‌ر زه‌ویدا بگه‌رێن تا سه‌یر بكه‌ن اللە چی به‌سه‌ر به‌درۆخه‌ره‌وان هێنا له‌وانه‌ی پێشتر پێغه‌مبه‌رانیان به‌درۆ خسته‌وه‌، كه‌واته‌ ئەمان ده‌رباره‌ی ئه‌م گه‌ل وئاوه‌دانیانه‌ی پێشوتر قسه‌ده‌كات هه‌رچی ئه‌م سزایه‌یه‌ كه‌به‌ڵێنتان پێدراوه‌ كه‌ دواتر سه‌رتاپای ناوچه‌كانی جیهان ده‌گرێته‌وه‌ ئه‌مه‌ش له‌به‌ر ئه‌وه‌ی په‌یامی محمد پێغه‌مبه‌ری اللە - صلّى الله عليه وآله وسلّم- بۆسه‌ر هه‌موو ناوچه‌كانی گۆی زه‌ویه‌.

كه‌واته‌ ئه‌ی قه‌وم له‌میانه‌ی ئه‌م ئایه‌ته‌ ڕوون وئاشكراو ڕاشكاوو ڕۆشنه‌دا زانیم كه‌وا دواتر ئێوه‌ مه‌هدیه‌ هه‌قه‌كه‌تان به‌درۆ ده‌خه‌نه‌وه ئه‌وكاته‌ی دێت بۆتان وبانگتان ده‌كات بگه‌ڕێنه‌وه سه‌ر كتێبی اللە قورئانی گه‌وره‌ له‌سه‌ر ئه‌وه‌ی جیاوازن له‌سه‌ری له‌ فه‌رمووده‌كانی پێغه‌مبه‌ر، وه‌كو دیاره‌ ئێستا ئێوه‌ ئه‌وانه‌ بوون كه‌پشتان لێی كرد‌ پاشان اللە ی گه‌وره‌ ئایه‌ت ونیشانه‌یه‌كی گه‌وره‌ دێنێت بۆی جا ئایا ده‌زانن ئه‌مه‌ چی یه‌؟ ئه‌مه‌ ئایه‌ت ونیشانه‌ی سزایه‌كی به‌ئێشه‌، ئایا ده‌زانن له‌به‌رچی، اللە ی گه‌وره‌ سزاتان ده‌دات ئه‌ی گه‌لی موسڵمانان له‌كاتێكیشدا مه‌هدی چاوه‌ڕوانكراو پێغه‌مبه‌ر نی یه‌، جا له‌گه‌ڵ بێ باوه‌ره‌كان به‌م قورئانی گه‌وره‌یه‌ به‌یه‌كه‌وه‌ سزاتان ده‌دات؟ ئه‌مه‌ له‌به‌ر ئه‌وه‌ی ئێوه‌ پشتان له‌و‌مه‌هدی چاوه‌ڕوانكراوه‌ كرد كه‌ بانگتان ده‌كات بۆ په‌یڕه‌وی و حوكم كردن به‌قورئانی گه‌وره‌. كه‌واته‌ هه‌ركه‌سێك پشتی كرده‌ مه‌هدی چاوه‌ڕوانكراوی هه‌ق ئه‌وا به‌ڕاستی پشتی له‌قورئانی گه‌وره‌ كردووە وه‌ دواتر اللە به‌ئازارو سزایه‌كی توند شادی ده‌كات.

وه‌ئه‌ی یارو یاوه‌ره‌كانم ئه‌مه‌ به‌موسڵمانان و هه‌موو خه‌ڵكی ڕابگه‌یه‌نن با به‌ڵگه‌یه‌کی دڵسۆزی و غه‌مخۆری بێت بۆ لای په‌روه‌ردگارتان وه‌ به‌و هیوایه‌ی ئه‌وان له اللە بترسن.

وه‌سه‌لام له‌سه‌ر ئه‌وه‌ی دوای رێنمایی كا‌ر بۆ رێگای_______________ راست ده‌كه‌وێت..
ئیمام مه‌هدی به‌سه‌رخه‌ری محمد پێغه‌مبه‌ری اللە و قورئانی گه‌وره ناصر محمد یه‌مانی.
_____________

رابط بيان الأصلي
https://www.mahdialumma.com/showthread.php?t=1053